C.G.urban

اضرب اضرب .............اضرب تاني 6 ابريل راجع تاني

2009-04-03T22:18:00.001+02:00

اغنية العبد والشيطان !

2008-08-20T07:19:00.002+03:00

بسم الله واهب الانسانية والعقل نبراس المدنية والتحضر رمز الكائن الاسمى على اسمى الكواكب الانسان

كان حوار مثير ذلك الذي اجريته مع صديق لي مجمله ترتيب اقوي غرائز التي في غيابها يفقد ابن ادم صلته بالعقلانية واشباع تلك الرغبة هي المنال الوحيد له كان
اولا هو العطش ثانيا هو الجوع فهما اثنان قد يجعلا من الانسان حيوانا يتعدى خطوط الانسانية ويتخطى حواجز العقلانية راغبا في اشباع الرغبتين

(انا عارف ممكن تلاقو المقدمة غريبة عن العنوان بس رجاء كملو الموضوع )

واجد اجمل مافي رواية علاء الاسواني عمارة يعقوبيان هو كون العمارة مسكونة من السطح من طبقة تمثل المهاجرين من الريف البسطاء
وباقي الادوار وهم الاغنياء في محاولة غريبة لكشف التحول الغريب في المجتمع واحداثياته الجديدة

وهو نفس الموضوع اذي احاول اثارته

هو ذلك المجتمع الذي فوجئنا بوجوده معنا نقابله كل يوم واصبح من مسلمات الشارع المصري اليوم

لمن لم يفهم الى ما اشير حتى الان هو مجتمع اللمبي مجتمع العنب والعبدوالشيطان

مجتمع اغرب مافيه انه يتشعب في جميع طبقات مصر من الطبقات الكادحة حتى البرجوازية المرفهه وبالتالي تجده في اغلب الاسر المصرية العادية تسلل غريب

الاطفال اراهم يتراقصون تلك الرقصات الغريبة في الشوارع وكان جيل رجل المستحيل والبوكيمون قد اصبح جيلا قد عفى عليه زمن وولى ليستبدل بجيل هو الاخطر جيل لاى مانع في لفظ الفاظ اخجل انا الكبير ان اقولها
وذلك المجتمع لايكتفي فقط بتشعبه بل اصبح يفرض ثقافته علينا اينما ذهبنا وانتفرنا منه
فحتى المجتمعات البرجوازية تجدها منشقة مابين متبع الثقافة الغربية ومابين المنضم لذلك المجتمع بكل ثقافاته

ولكن لماذا اطلقت عليه صفة مجتمع ؟

استحداث للغة جديدة غريبة لا تنطوي تحت مسمى الشبابي بل لغة خاصة
(اتنين في المترو كانو واقفين قدامي كانت امنيتي في الحياة ساعتها اني افهم كلمة منهم وكاني في بلد تانية )

ولكن الاخطر والاهم هو اخلاقيات ذلك المجتمع
ففي اللحظة الاولى ستعجب باخلاقيات ذللك المجمع واغلب تلك الاخلاقيات هي اخلاقيات مفقودة من معجم المجتمع المصري منذ السبعينات
االاقوى هو اخلاقيات الصديق والوفاء له والتضحية من اجله
ولعل تلك الاخلاقيات هي التفسير الاوضح لتشعب ذلك المجتمع داخل المجتمعت العادية فهي المصيدة لان تكون واحد من تكون هؤلاء المكافحين

وبمناسبة ابضا الكفاح اهمية العمل وان لاشئ يعيب ذاك العمل وتجاهل نظرة المجتمع هي احد اخلاقيات تلك المجتمع

ولكن عند التعمق ستجد انها اخلاقيات زائفة تزول كلها امام كلمة واحدة وهي المصلحة االغرب انها تاخد تعريف العمل لتسقط افاق الصداقة

اذن النظرة الحقيقية هي مجتمع من الاخلاقيات الزائفة يسعى لتحقيق المادة باي وسيلة والمادة هي التعريف الحقيقي لكلمة (مصلحة ) استخدم لغة تنبسق من تللكم التعريفات الجديدة بعضها مشتق من لغة السوق والبعض الاخر من الافكار الجديدة

تدين ايضا زائف بدليل ان المحرمات هو امر مقبول لدى ذلك المجتمع ولكن ستجدهم يتكلمون عن حدود الدين على انها مقدسات لاينبغي تخطيها

اغنية العبد والشيطان !

طلبت من احد الاصدقاء ان يسرد لي كلمات تللك الاغنية التي فهمت منها بعناء جوجو
مافهمته انها حوار بين شيطان وعبد ليقوم المغني بدور الواعظ ولكن الامر اشبه برجل يحمل سيجارة يحذر بعض الشباب من اضرار التدخين

بل زاد عليا صديقي ان المغني قد ارتقى بنوع الدرينك الذي يذكر اسمه في جزئه الثاني (ونعم)

في مجتمع مصري اصبح اصم وابكم بسبب الاحباط واليأس اصبح نمو ذللك المجتمع دون ادنى رادع

وطبعا في مجتمع الخلفية الثقافية له متهدورة وفي اشد الحالات له طلبا للعلاج تجد ان الثقافة الجديدة الواهية اصبحت تنمو مدمرة ماتبقى لنا من اطلال التحضر

السؤال الاهم ؟ من اين أتو ؟
نعم ذلك هو السؤال الهم لان العلاج لاياتي الامن الجذور
ولكن لدي سؤال هل يعرف احد منشأ البكتريا ؟ (المطلوب التوضيح لا التشبيه )

بالطبع لا فهي منتشرة في كل مكان كانت هذه العقبة امام معرفة اصل ذلك المجتمع الجديد
ولكنه للصدفة اشبه بمجتمع السود في امريكا (النيجر)ولعل هذا يحل اللغزفربما تكون نفس النشاة المجتمعات الفقيرة

بالفعل ذلك هو اصدق احتمال ان يكون ذلد المجتمع نشا من براثن الراسمالية المتوحشة فالخوف من الجوع والسعي في سبيل لقمة العيش ادى الى ظهور ذللك المجتمع التحايل بشتى الوسائل واستخدام المجتمع البرجوازي لادوات لزيادة الرصيد المالي جعل هذا المجتمع الكادح وهو (على الاغلب العشوائيات) تتحور الى ذللك المجتمع الجديد بكل تفاصيله ولان الشق بين الطبقات اصبح في تزايد متسارع اصبح ايضا نمو تلك الطبقة اشبه بطوفان يومي وايضا استحالة الانتقال بين الطبقات بالعمل الجاد والحكومة الامنية التي تنحاز الى البرجوازيين ليجتمع لديهم السلطة والمال وعدم المساواة في امام القانون لتكون مؤشرات خطر على انها ليس نزوة فكرية سرعان ماستتلاشى بل هي اشد من ذلك

اذن النتيجة انهيار التمدن والتحضر امام الجوع والخوف من مستقبل معتم

الهم لا اسئلك رد القضاء ولكني اسئلك اللطف فيه

راجعين .....من تاني

2008-07-05T20:04:00.002+03:00

الغيبة طولت المرة دي انا عارف

بس بجد الامتحانات دوامة ودخلنا في حرب الكورسات وتنظيم الوقت (مطلوب سكرتارية تنظيم وقت الكورسات مع الخروجات مع التدريب الصيفي )

انا حاسس ان احنا في حرب او سباق

بس انشاء الله راجعين انا وكوجاك باجندة قوية وفكر منظم لالا احنا مش تبع تنظيم القاعدة بس هنعبر عن افكار اقوى وهنحاول نعمل حاجة عن طريق البلوج

تهييس شعب

2008-04-25T23:14:00.001+03:00

يا ريسنا يا مدلعنا يا حبيب الشعب يا مشخلعنا
دا العيشة معاك اخر حلاوة دانت مأكلنا الشهد والبقلاوة
ادينا من خيرك ادينا م القاهرة لاول سينا
ومتهمينك ياريس ان مفيش عيش اكتشفنا ان قفانا هو اللي بيقمر عيش
دا احنا حتى في السياسة بنتكلم ونهيص لا على افانا اخدنا ولا امن الدولة ادانا......
والبلد هتفضل على دا الحال لو فضل مبارك او جه جمال
ياريس وصي جمال علينا واحنا هنشيله في عنينا

اختر الاجابة الصحيحة
من المقصود بالابيات (انا -انت - محمد منير )
معنى كلمة دلعنا (هيصنا - ظبطنا - ولع فينا )
معنى كلمة الشعب (المضروب -المركوب - المضحوك عليه )

مانوع الحلاوة المذكورة في الابيات مع تحديد تاريخ انتهاء الصلاحية؟؟

اختار الشاعر من القاهرة لسينا لماذا لم يقل من نزلة السمان لطلعة التمساح ؟؟

لماذا قفانا بيقمر عيش هل لاننا فرن بلدي ولا ايه المقصود؟

هل في اعتقادك ان الشاعر لسه برة ؟؟

دا مش تهييسسي دا انا لاقيت صحابي كتبوها في وسط الكلية روحت مصادرها منهم
عشان تشوفو اخرت اللي ميطلعش السكشن واخرت التهييس

قبل ماتكلم في موضوعي

بيقولك الريس حب يذل الشعب فجاب ابليس
قاله متفكر معايا في حاجة تطلع من عين الشعب ...ابليس قاله هات ودانك
الريس ايه ياراجل دي قديمة اوي .....ابليس بلاش دي خد دي
الريس انت بتكح تراب....بعد شوية طب هات انت ودنك
ابليس حرام عليك اتقي الله في الشعب ياشيخ

المقصود بالريس هنا الريس متقال (متفهمنيش صح)

انا قولت اغير بموضوع يكون خفيف شوية بس هنا في خدعة(بضم الخاء) جامدة لان الموضوع ده جد

جد فين الجد ده ؟
مفكترش ببساطة وانت بتقرى اللي فات ايه اللي خلى الريس متقال يبقى هو موضة التهييس
ازاي بعد ماكانو الصعايدة مكتسحين النكت بقى الريس هو البطل الرسمي لاخر نكتة حتى القبيحة منها

طب بطريقة تانية من سنتين تلاتة كنت تسال يقولك هو فيه غيره طب ليه الناس بقت عاوزه بديل انشا الله الريس متقال

ببساطة الناس اصبحت تكره الريس وبتكره حكمته اللولبية ده حتى المنايفة طلعو بيان رسمي بيتبرو فيه من الريس

طب حصل ده ازاي ايه سبب التغيير ؟

سامع واحد بيندب ويقوللك الفساد وقهر المواطن محدود الدخل والخ

ايوة انا معاك ياكابتن في كل ده بس ده كله موجود في بلدنا من زماااااااان

طب انا رائي باختصار

احنا قبل عشر سنين كنا مشغولين بقضية الارهاب وبعديها الانتفاضة لحد مابتدينا نفوق لمشاكلنا الداخلية البداية كانت مع شوية ناس من حقوق الانسان على جرئة صحفيين والنظام كان طبعا بيقاوم بس كل ده مكنش له تاثير كامل على الناس لان ببساطة بيطلعك خمسين واحد يقوللك الريس كاشف الناس الحاقدة دي وانهم ناس ليهم اغراض خاصة ان كان تلفزيون وطني ولا جريدة وطنية حزب وطني (كلهم وطني مشاء الله عليهم)

مكتملش الاحساس الكامل بالقهر الا لما تحرر الاعلام ومبقاش النظام عارف يلاحق منين ولا منين

اذا كان زارع شوية طلبة تقارير في الكليات هيكتبو في المدونات هيتكلمو في المواضيع دي في الكافيه في الفيس بوك
الناس بطلت تتفرج على مفيد فوزي وبقت تتفرج على اديب

بطلو يقرو الجمهورية ويقرو المصري اليوم

الكتاب الممنوع دلوقتي هلاقيه على المنتديات

البديل اصبح متاح بسهولة فاصبح التغيير لازم لنظام بدا التشقق في الاقتصاد المصري يظهر نظام فاشل بمختلف المعايير

عقبة واحدة اصبحت تقف امام تغيير هذا النظام وهو الخوف اللي اصبح مسيطر على الناس خوفا من بطش الداخلية

واحب اختم بمقولة لروبي ويليمز في فيلمه
السياسين حفاضات بدلوهم كل شوية

2008-04-16T22:38:00.000+02:00

قالو لفرعون ياظالم ايش فرعنك؟؟؟؟
.
.
.
.
قال عبيدي

ماخوذة من تتر حدائق الشيطان وماشبه الخيال بالواقع
وحسبنا الله في عبيد فرعون لا فرعون

فلان ابن علان

2008-03-27T18:03:00.001+02:00

اهداء لكل مدون

الاسم فلان ابن علان
عادي زي باقي الناس بس زعلان

انا عارف ممكن تقولو جبان
بس زعقت حتى لو من ورا البيبان

بضم الحروف واتحدى الزمان
جايز في يوم الحق نيشان

اتكلمت عن مجتمعنا
والناس اللي بعدينا واللي قبلنا كمان

قلت لجدو يقوم من على كرسينا
وللراجل اللي بيغلي الرخيص كفاينا حرام

ايوة انا من الابطال
و جايز فارس من غير حصان

بس قومت وفوقت
في عز النسيان لما كانو الناس اصنام

وبرضه مابقتش حاسس ان انا زعلان
لاني ببساطة عارضت وشاغب

وانا اللي فتحت عيون البشر على جلادنا في عز ثباتنا

وخدو النصيحة في اخر السلام مبقاش يأثر كلام من ورا الحيطان
لازم نقول الاه زي مقالها عادل امام

ملحوظة:ده مش شعر لاني مشاعر ولا تهييس بمااني فايق اعتبروه كلام من القلب من واحد رايق

لا تندفعو

2008-03-15T18:30:00.001+02:00

لا تندفعو

اولا احب ان اعتذر عن ذلك الغياب المتقطع والطويل والسبب بعيد تماما عن عدم الجدية في التدوين ويعود لعدة اسباب ستتعجبون لبعضها

الموضوع الاساسي وهو لا تندفعو اذكر فيه ثلاث مواضيع (غلبت تويكس من الاخر ) لا تسرعو الحكم فيه اقراءو ثم احكمو

الموضوع الاول قناة الناس

لا اعرف كيف تناسى الناس تلك الفاجعة بل المصيبة وهي تلك الوثيقة الاثمة التي اشبه بتحالف قوى االشر للنيل من قوى الخير الضعيفة رغم اغلبيه نعم تحالف وزراء الاعلام على اعلام قدر له ان يتذوق ولو قدر قليل من الحرية
وبسرعة تحسب له لانراها في قضايا تمس المواطن البسيط بدا ذحملته العنترية على اعلانات قناة الناس لتبرير تللك الوثيقة
حملته اشبه بكثير بحملة اساءة سمعة مصر التي شنت على هالة سرحان ولكن هل رات تلك المذيعة المبتذلة السجن ولو لثانية واحدة بالطبع المستهدف الاساسي كانت هويدا طه والذين ازعجو حكومتنا الرشيدة وايقظو فرس البحر وهم نائمون ولم يستطيعو النيل منهم سوى ان تفضع للشعب الطيب الطعم والمثل العليا حتى تبيح لهم حريتهم ينقضو عليها كما شائو
انه المثل ذاته في اعلانات قناة الناس كم طلبنا وطلبت صحف المعارضة ان تقوم حماية المستهلك بحمايتنا من تلك المنتجات ولكن ظلو اسم بلا فعل اليوم تحركو لا ليصادرو المنتجات بل الاعلانات حتى تكون ستارا عندما يقيضو العاشرة مساءا وعندما تعقب سيكون الرد حماسيا انك مزدوج المعايير فلماذا صمت على الاولى وتكلمت في الثانية

ارفض ان تصادر اي حق من حقوق البث وانا اتضامن مع حرية قناة الناس فيما تبثهارفض التذرع بالحق للوصول للباطل
اطالب بااستقال الفقي ليس لانه رجل فاسد يحاول تعتتيم شعب طالما كان يعرف الحق ويصمت بل لانه رجل تطاول على حقوقي الشخصية وحقوقكم اتركها لكم
لاتندفعو

الموضوع الثاني الدنمارك تاني وتالت

لم اتعجب ولم اثار حينما رايت الدنمارك تعود في الظهور على الساحة مرة اخرى لم اتعجب فذلك المنتظر من اناس حاولو وفشلو اذا لم تفهم فللنظر للموضوع من اوله مرة اخرى

في بداية الامر ظهرت رسومات حتى الشعب الدينماركي تبرا منها وقال انها خطا من رسام متعصب (ولن اقول انه ضمن احد المنظمات لانني لا اؤمن بنظرية المؤامرة)
ولكن تسويق الرسومات واشعالها الفتيل كانت بدعاية اكثر من متقنة سواء على الصعيدين اشتعلت النار ولفتت انتباه العالم كله النار متاججاة في الحزبين حتى بدا يرو ان هناك مشاعر انتهكت هدات العاصفة بشئ من الرزانة
فحتى ولو كان الامر حدث بشئ من عدم الفهم وغير مخطط له فهي فرصة ذهبية لهؤلاء الذين يسعون لحروب صليبية جديدة تشعل مرة اخرى بجو الكره وعدم تقبل الاخر تكون فيه المعلومات المشوههة عن الاخر الطعم الذي يتبلعه محبي الوطن والدين هذه المرة الغرض ديني وليس المنفعة اذا كنتو تظنو اني اعاني من حمى اليمين المتطرف فانا شديد الاحماء بسبب خطر هذا المرض على بلادنا
نتابع القصة محاولة اخرى قوبلت بعدم اكتراث من العرب وهي محاولة الاساءة على تلفزيونهم فااعادو الكرة ولكن هذه المرة قررو ان يستفذو الدنماركيين قصة جديدة تطفو على السطح بانشاء خلية ارهابيه للنيل من الرسام وبدات عاصفة بتحويل المعركة من اساءة وشعب مجروح في كرامته واهانة لرسولهم الى حرب بين القلم والارهاب نفس الطعم الذي حاول اليمين ابلاعه للشعب الفرنسي عندما ادعو بوجود خلية مكونة في المطار قبل الانتخابات الرئاسية لكن الشعب الفرنسي لم يكترث لكن الشعب والصحافة الدنماركية ابتلعو الطعم ببساطة وردو وكان الرد نكبة كبرى من شعب مثقف لكن المنتظر ان نفعلها ولو لمرة في حياتنا نريهم ان العرب بهم عقل كاف
كفو عن اشعال النار واروهم اننا فعلا لا قولا قوم سلام ....اين هؤلاء الذين بداو حملتهم للتعريف بالرسول اما ان لنا الدور لنكون نحن الرواد الستم انتم من تسالون اين صلاح الدين فاين لكم من حكمته ؟

شكر خاص لصديق لي ولابراهيم عيسى

لاتندفعو فان الحروب عادة ماتقاد على ايدي الجهلة وتطفئ ببرد الحكمة
كونو حكماء ولو لمرة

الموضوع الثالث سحر العمران

من منا ليس معجب بجمال المدينة فذلك الرجل اراد ان يجعل من بلده ليس فقط الاجمل بين العرب والمنطقة بل الاجمل في العالم كله حبه دفعه ان يقوم بتشييد مدينة ساحرة الجمال ياتي اليها الناس من كل مكان يشاهدو جمال عمرانها وسحر مبانيها فمنها ماهو مبني على الطراز الغربي ومنها الذي يحمل عبق العمران العربي الاصيل
جعل تلك المدينة قطعة من قطع الجمال وكانه اقتلعها من اوربا لاياتي بها الى الشرق حتى في شوارعها النظيفة تماما
اهتم بالعلم وعرف انه المدخل الامن للمستقبل الغادر فلم يبخل على الثقافة والفنون والعلماء امن بالاستثمار ففتح البالب على مصرعيه لكل التجر من كل صوب وناحية
كل هذا انجزه رجل محب لبلاده الاخطا واحد فادح اودى بها ببلاده خطا كلف البلاد الكثير ومازال يكلفها حينما جعل النفوذ الاجنبية تتعمق في بلاده بلا اي شروط حينما جعل المال الغريب سند لبلاده ازداد نفوذ الغريب في البلاد بقدر لم يستطع تحملعه حين اندفع في انجازاته دون دراسة متانية حتى وجد البلاد تغرق منه الى ماوصلنا
لا اتكلم عن محمد بن راشد ولاعن دبي
بل اتكلم عن اسماعيل باشا وعن القاهرة .....نعم هو نفس التكرار الرتيب للتاريخ في يومنا هذا ونفس الاخطاء ونفس الحسنات
فلا تندفعو لان الحضارات لا تقام على المباني الجميلة

المجلس اتخرب

2008-02-13T21:03:00.005+02:00

اولا اشكر ايمي اللي برشمتلي طريقة الاجابة
واسف على تاخير الرد
هيو مو هان باللون الاحمر وكوجاك اخضر

دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟
رمز الحمار عشان هيبقى حمار اللي هينتخبني هههههههه بجد رمز القلم لو كان موجود لاني بحترم القلم

رمز الجمل لاني لازم هتحلي بالصبر والقوه علشان افدر انفذ برنامجي

كنت تفضل الدخول مستقل او تتبع حزب معين ؟؟؟؟

لا ادخله تبع حزب الجبهه علشان اساعد ان تفكيري يبقي منظم و خططي تبقي محدده

هاادخله تبع حزب الجبهة ده غير اني عندي ايمان كامل بالحياة النيابية

اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟

انا مش هدخل مستقل بس بفرض يبقي استحاله اني انضملهم

لو هيظبطوني زي ما ظبطو احمد عز يبقى الوطني حتى النهاية.......
لا طبعا لان ممكن يكون سبب انتخاب الناس ليا اني مش من الوطني

ا اول حاجه هتعملها لنفسك ولاسرتك ؟؟؟؟؟

هعزم اسرتي وصحابي علي الغدا بمناسبة انهم هتبقي اخر مره يشوفوني فيها

انا بالعكس هاابقى متوتر فهلم العيلة في بيت العيلة و ادبس في حق الجاتو بس الضحك هيبقى للركب والدموع برضه هيملا البيت ده عرف

ايه المشروع اللى ناوى تعمله لاهل دايرتك ؟؟؟؟ دون ذكر اسم الدائره
اول حاجة لازم اهتم بالمواضيع اللي بتقرف اهل الدايرة كل يوم زي طريق معين كل يوم يتقفل لازم نشفله حل والكهربا والمية والمواضيع الحيوية دي هيبقى كل تركيزي عليها لحد مانقضي عليها وبعد كده نبدا في تحويل الدايرة لمنطقة من اجمل مناطق مصر وحلم الالف ميل اوله سلة زبالة في مكان ميضرش حد وبتتاخد الزبالة منها كل يوم

وهااشوف المشاكل الفردية وهااشغل كوجاك سكرتير عندي يرتبلي المشاكل حسب اهمية كل واحدة

فى المجلس جنب نائب مميز . من هو النائب ؟؟؟

مفتكرش بقى في حد يستاهل بعد ايمن نور ربنا معاه الوحيد اللي كان بيناقش مواضيع مهمه وفي نفس الوقت بيعرف يحرج سرور

قدمت سؤال للحكومه ايه هو السؤال ؟؟؟؟؟
ايه اللي وصلنا لكده؟؟

طلب احاطه موضوعه ايه ؟؟؟ وبتقدمه لمين ؟؟؟؟
هااعمله عشان مشاكل العرب في شمال مصر وسيناء وامتى هانعاملهم زي باقي المصريين والفقر في الصعيد
الكرامه المصريه في التعامل مع اسرائيل و هقدمه لوزير الخارجيه
استجواب لاتنين من الوزراء موضوعه ايه ؟؟؟؟وبتستجوب مين
وزير الزراعة اساله ايه الاساليب اللي هيعالج بيها مشكلة تفتت الملكية الزراعية ونقص المياة

انت مع الخصخصه ؟؟؟؟؟؟

ايون و طبعا و لنفس اسباب سي جي
طبعا والتخفيف من اعباء الحكومة والوصول لسوق حر خارج تدخلات الحكومة بس راسمالية من غير ديمقراطية يبقى الشعب هيشحت
هل انت مع قطع العلاقه مع اسرائيل ؟؟؟؟؟

ايون مع التطبيع الكامل مع كل الدول بما فيها اسرائيل وايران

لا منقطعش سياسيا بس التطبيع مش في مصلحة مصر

وما يترتب عليه من معامله العدو هل تؤيد الحرب على العراق ؟؟؟؟؟؟؟؟

الحرب على العراق قام بيها يميين متطرفين طبعا مش موافق عليها والشعب العراقي لو كان عنده اراده كان خلع رئيسه بنفسه على الاقل كان عرف اهمية الوحدة

اكيد مش موافق علي حرب العراق بس كما يقال " وجنت علي نفسها براكش اخت مراقش "

هل تؤيد مرور الامريكان فى القناه ؟؟؟؟؟؟

دي اتفاقيات و انا مش موافق ان مصر تحارب كل شوية تاني

why not مدام السفن اللي هتعدي مش رايحه تضرب دول موقعين معاها اتفاقيات حماية مشتركه

هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟
انا سمعت ان الواد كوجاك العقل المدبر للموضوع ده لكن انا في حالي ياباشا

بتمرر التاج ده لمين ؟؟؟؟؟؟

على باب الله
حر
ميراميد بس تقريبا اتمررلها قبل كده
ابو مفراح
===============================================
للا سف سنفارق صراحة مجدي مهنا

لماذا فعلها مبارك؟؟

2008-01-25T18:06:00.000+02:00

احلى حاجة في الكون فن الحوار والرد بالادلة على الاخر خصوصا بقى يا معلم لما يكون الاخر ده شريكك في التدوين فانا هااستغل الفرصة عشان ارد على اخر بوست كتبه
اولا يا كوجاك بقى معروف للكل ان مصر اساسا كان عندها خبر بالموضوع وحرس الحدود جاتله اوامر بالتراجع وانهم يعملو عبط والدليل الفلسطنيين اللي هتفو لمبارك وهما داخلين الحدود المصرية وقالو يامبارك ياحبيب فجر فجر تل ابيب والصور تتكلم

الفلسطنيين قامو بتحطيم المعبر دون ادنى تدخل من الامن

عربات الامن لم تتحرك

فرحة شعبية بالتفجير المدبر

اقتصار دور رجال حماس على التنظيم لا الاشتباك مع قوات الامن المصرية

الحانطور لعب دور مهم في نقل البضايع

اول واحد دخل مصر بالموتسكل يعني مصدروش الستات

اشترو كل حاجة سمك وبقر كمان

الصورة دي بتفكرني بالمانيا الشرقية

ودي صورة للعنف المتبادل بين الطرفين

شكر خاص لمنتدى الهندسة الزراعية على الصور ...وهناك وعد بالمزيد

لكن اهم سؤال لماذا تحرك مبارك اخيرا
هو كان مستني الضوء الاخضر من اوربا لفك الحصار
ام انها وسيلة للضغط على اسرائيل
ام يريد مبارك مصالحة شعبه والشعوب العربية

ايه رايكم؟؟

===============================================================

تحديث : رحم الله عزيز صدقي هذا الرجل افضاله على مصر

أزمة الامتحنات

2007-12-08T17:46:00.000+02:00

عوامة البلد2

2007-11-26T09:48:00.000+02:00

دي

بقعة ضوء

صعب تلمسها

مش صعب تمشي وراها

لانها لو انطفت

هانموت

وانا مش ها اموت يائس حتى لو

الموضوع مستوحى من تعليقاتكم على موضوع عوامة البلد

عوامة البلد

2007-11-19T20:14:00.000+02:00

هل سالت نفسك مرة لماذا يتعلق الطفل بعوامته ولا يطيق الفراق عنها حتى على البر ؟؟

السبب بسيط جدا لان الطفل يرى في عوامته حماية له من غدر البحر العميق خصوصا بعد ان يستمر الاب في اقناعه انه طالما تمسك بعوامته اصبح بعيدا عن شرور اليم اللعين (طبق بقى الكلام ده على بلدك).....لطلما ادعى اعلام الحكومة ان مبارك هو العوامة التي تنقذنا من دول الخارج الذين لا يهنـأ لهم بال الابعد ان يحيكو لنا المصائد لذلك تعلق الشعب عند بدء حكمه بذلك الحاكم العاقل الذي يبعد عن مصر شرور الحرب التي عانتها البلاد لسنين طوال والتفو حول الحكمة الملفقة التي تحمي البلاد من الفتن والارهاب الا اننا غفلنا ووصل بينا الحال ان وجدنا نفسنا وسط البحر العميق والعوامة قد ثقبت بثقب الدهر بعدما انقضت الحجج فا اصبح الناس شيعة بعضهم ينظر الموت والهلاك الوشيك بهستريا مفرطة من الضحك واخرين كذبو ذلك الواقع الاليم ودابو على انتظار امل من السماء ولازالت اكذوبة حماية العوامة تعمي عيونهم ام الباقي منهم وان كانو قلة الا انهم ضربو الماء بيدهم وبداؤ التجديف لعلهم يجدون اليابس وان كان بعيدا عن الامال

من انت في هؤلاء؟

رايح فين....دي أراضي عسكرية

2007-11-10T18:39:00.000+02:00

ده الحقيقة أول موضوع ليا على المدونة هنا يا جماعة وقلت أبدأ بحاجة خفيفة.....أبدأ منين؟؟؟؟

أنا نفسي مش عارف لكن هقول انه لفت نظري حكاية ممنوع الاقتراب والتصوير من الأراضي العسكرية أو التابعة للجيش.....أبسطهالكم

امبارح كنت بلعب كورة والكورة مرة واحدة واحد غشيم شاطها وداها بعيـــــــــــــــــــــــــــــــــــــــــــــــــــــــــــــــــــــــــــــــــــــد..بعيد فين بقى؟؟؟

أرض تابعة للجيش..المهم واحد صاحبنا ربنا يهديه تطوع وقال انه هايطلع وهاينط جوة المكان برغم السور العالي جدا وهايجيب الكورة...اه بقى ماهي بلطجة

المهم أخينا اللي فارد عضلاته ده لما طلع فوق السور الظاهر انه جاب ورا وماقدرش ينط جوة وراح مشاور لناس جوة ونده بصوت عالي :كابتن كابتن..الكورة بتاعتنا وقعت هنا.....أوبس

الراجل قاله:انتا اتجننت انزل من عندك بسرعة قبل ماحد يشوفك وتودي نفسك في داهية...انزل

قاله : لأ مانا مش نازل بس معلش هاتعبك معايا دورلنا عليها....كل ده من فوق السور

الراجل قاله ماشي بس استنى اما الظابط يمشي.....مش عاوز أشتم هنا بقى.....يعني برة من الآخر ممنوع الإقتراب وجوة قمة التسيب

ده طبعا غير اللي العساكر بيعملوه جوة...وقال جيش ونظام قال

ازاي واحد يبقى قاعد فوق سور بتاع أراضي عسكرية محظورة فترة تزيد عن النص ساعة وماحدش يكلمه...وفوق كل ده يجيي بتاع خمس عساكر سايبين شغلهم وبيدوروا على كورة.....كورة....معايا انتوا

وازاي أصلا أرض مهمة زي دي تبقى جنب الناس كده معرضة لأي دخيل ومن غير رقابة....أكرر من غير أدنى مستوى رقابة

يعني البلد ناقصة تسيب...أما هي بايظة من جوة ومن الأساس,,عاوزينها تنضف من برة ازاي بس

حسبي الله ونعم الوكيل...ده طبعا حاجة هايفة جدا ولا تكاد تذكر بالنسبة للي بيحصل في البلد اليومين دول وكل يوم بس الحقيقة الحكاية دي استفزتني أوي كمواطن خايف على أمن بلده وشايف العساكر وحراس الأمن سايبين شغلهم وداخين ورا كورة

شكرا!!!ولسة

فروق توقيت

2007-11-02T19:58:00.000+02:00

المفاعل النووي اللي اصبح مشكلة اليوم والاحاديث في الصحف بدات الحرب القومية تهلل والمعارضة تشكك _طبعا انا رائي ان المعارضة عندها حق الحكومة علمتنا ان اي مشروع يدي انطباع جيد _ ندور على الجانب السئ لكن مش ده موضوعنا هتكلم عن ملوحظات غريبة في توقيت الكلام عن المشروع

اولا المشروع اعيد فتح ملفه في خطبة القاها الرئيس امتى بقى ؟ منذ بدء اندلاع مشكلة ايران النووية وجاء بعدها مناورات كلمية جاء في تصريح امريكي _اعتقد انها كانت ذلة لسان_ ان الولايات المتحدة لاتمانع انشاء مفاعلات نووية سلمية لكنها تشكك في النوايا اليرانية وكان مبارك استخدم تللك الحوار لصالح المفاعل المصري ولكن الرد السريع بالايجاب لكل من امريكا وفرنسا اللي اذهلتني فعلا فسرعة الموافقة بتؤكد ان الموضوع كان فيه ناقشات عليه من قبل ومن الممكن ان يكون هذا الرد السريع لان مبارك استطاع يضع اوربا وامريكا في خانة اليك _ولو اني اشك ان مبارك لديه الحنكة السياسية لفعل ذلك_

تيجي للمرة التانية واللي قالو انها الاشارة الفعلية لبناء المفاعل النووي بعد انتقاد مصر للاتحاد الاوربي على تقاعسها عن الترسانة النووية لااسرائيل وهي سياسة ريبة على الحكومة المصرية ولماذا تفتح هذا الملف في هذا الوقت بالذات رغغم صمتها طوال السنين الفائتة الا انه بالاغلب انها كانت ورقة للضغط على الاتحاد الاوربي للموافقة على بناء المفاعل المصري وهو مايدل على ان الموضع يحمل من صفات الجديىة الكثير وهو ماشككت فيه المعارضة ولكن يظل السؤال لماذا الجدية في هذا المشروع وفي هذا الزمن بالذات اذ لم تتحلى به الحكومة سنة 86 حيث ان انفجار مفاعل تشيرنوبيل ليس حجة كافية لتجميد المشروع ام ان طغوط كانت واقعة على مصر استطاعة الحكومة التخلص منها في السنوات الفائته

الصالح الشعب تللك الجدية وهو شئ بعيد عن حكومة تناست وهمشت الشعب من حسابتها الخاصة منذ فترة طويلة ؟
ام تريد مصر ان تكون مصدرة للطاقة بل من الممكن ان تقول اكبر مصدرة بعد مستقبل قريب جدا وهو احتمال قريب
ام ان مبارك يسعى لمجد شخصي بعد فشل مشروع توشكي ام هي دعاية لولي العهد لان نجاح هذا المشروع كفيل بكسب ثقة كثير من لابة الشعب المصري

وتاتي تلك الاسئلة لتعبر عن محاور ير مفهومة ولا يستطيع الرد عليها سوى اناس قرباء من الحكم

لماذا رفض السادات التفتيش ويقبله حسني الان وهل كان يرفضه سنة 86؟

هل ستتخلى مصر عن مواقفها السلمية او الاستسلامية اذا تم رفض المشروع؟

من اين سياتي التمويل لهذا المشروع وهل تم دراسته جيدا ام ان الاندفاع سبب للفشل كما حدث في توشكي؟

اقرو مقال دكتور كوجاك جامد جدا

وداعا لحرية التدوين

2007-10-18T01:51:00.000+02:00

اتفجات وانا بقلب المدونات ان عدد قليل من المدونين والمعارضة عامة التفت للمدونات اللي اتحجبت ومفسرتش الموضوع غير ان المعارضة كلها مبقتش ملاحقة على الحرب المفتوحة من الحكومة ضد حرية الرأي
قررت اني ادور على حل مثالي ملقتش غير اننا نوحد دعوتنا لوجه كريم نطلب منه انه يقدرنا ويفضلنا في الاخر اي وسيلة من وسائل ابداء الراي متصانة بعد الحرب دي (مهو نص العمى ولا العمى كله) وداعا لحرية التدوين ....اللي مش هيسمع الكلام مدونته هحتحجب

اسكتو مش احنا طلعنا كفرة

2007-10-15T15:46:00.000+02:00

ده صورة من فتوى شرعية بتؤكد ان الليبرالي خارج عن دينه ودي صورة من صور التكفير اللي كانت سبب في ظهور التطرف
والاجمل من كده اللي قريته في الموقع مثلا عن محمد عبده اللي كتبو عنه انه كان عميل للانجليز وجمال الدين الافغاني اتطرد من بلده بسبب افكاره الشاذه
انا مش هعلق

ماذا لو اغتيل مبارك ؟

2007-09-13T01:29:00.000+02:00

كتبت هذا الموضوع مسبقا في احدى المنتيات ولكن ازيل خوفا على باقي اعضاء المنتدى اما الان فاكتبه حتى اؤكد خطر سياسة الرئيس الاوحد على الوطن

استخدام موضوع الاغتيال الفرصة بين الاحتمالات الثلاث الائي تخيلت حصولهم في حالة اغتيال الرئيس الذي لاطلما كان مستدهفا خصوصا من الظواهري _الرجل الثاني للقاعدة_ اما في حالة الموت الطبيعي سيكون الاحتمال الاول هو الاقوى

الاحتمال الاول :-

وصول جمال مبارك للحكم بعد انتخبات تتعدد صفاتها ( سريعة متفبركة مزورة ذات ضجة اعلامية قوية) ووعد لمحاسبة من اغتالو اباه ومواصلة مسيرته من اجل مصر افضل (انت ممكن تكمل بقيت الكلام ده........ مسيرة الاصلاح والحوارت الفاشلة كلها ) ثم تبدا تصفية قوى المعارضة الرافضة للتوريث بتهم متعدده (الاخوان هما اللي اقتلو ابوه ((اااه يابابايا)) ....الكتاب والاحزاب حرضت عى عمل انقلاب واثارة الفتنة بين الناس ) وهكذا يتوج جيمي على مملكة مصر ويمسكها بقبضة من حديد بمساعدة البولدوج العادلي

الاحتمال الثاني :- ( خلي بالك من الاحتمال ده)

اثناء الانخبات يطفو على السطح شخص جديد لم يسبق ظهوره الانادرا وما هو الا من دمية من صنع كبار المفسدين واحتالو على جمال وافهموه انه مسخ ظهر حتى يحس الناس ان هناك انتخبات شريفة ولكن كما اعتادو ان يزوروا لاباه سيزورو لذلك المسخ المصطنع ليستطيعو التحكم في البلاد كما شائو لان الكلاب الضالة لا تحمل ادنى معنى للوفاء ولكنها على بعضها تنقلب اذا وجدت ما يؤكل حتى ولو كان جِيفَة ........ ولك ان تتخيل ما ممكن ان تفعله الدمى اذا مسكت ذمام حكمنا ( تخيل بس خارجيا )

الاحتمال الثالث ( عالم سمسم ) :-

يثور الشعب ثورة واحدة يطالب فيها با اشراف دولي على الانتخبات ويحزم كوادر الوطن كل قواهم من اجل السعي للوصول للحكم وبعدها يتم تعديل الدستور لتعطي فرص اكبر من الحرية والديقراطية ويبدا عصر جديد يكون الامل فيه هو الطريق الاول و يعيش المصريين في بلد كثيرا ماتمنوا وجودها ....الدنيا ربيع والجو بديع

موضوع جميل و ان كان يفتقد لاي ادله او اسناد واقعي مع ملاحظة انك قلصت الاحتمالات حتي اصبحت 3 لا اعلم كيف ده بالاضافه علي اعتراض و اضح و صريح علي السب بهذه الطريقه الهمجيه و التي ليس منها اي فائده يا اخي حرية التعبير تعطيك الحق في النقد البناء لا في السباب و الشتم مع ملاحظة احتماليه حذف الشتائم لانها تضر بالموقع و تشوه صورته و صورة الديمقراطيه وكنت اتمني ان يكون الموضوع اكثر ثرائا و حكمه حتي يستطيع فتح باب المناقشه في موضوع حيوي كهذا

اخر كلام عن صحة الرئيس

2007-09-12T17:58:00.000+02:00

كتب كوجاك صديقي موضوعه على صحة الرئيس وكان اسرع من الصحف القومية في رده الا ان الحكومة السباقة دائما بتدي الفرصة لمن يقل قول الحق ان يكون بمظهر الخائن وهو ما فعلته في صديقي كوجاك حين دعا الى مزيد من التعقل ولم يعرف ما ستفعله الحكومة من استغلال لهذا الحدث

انا ها اقول اخر كلام في موضوع صحة الرئيس

أ‌- مفيش دخان من غير نار... النار دي مش مرض الرئيس لكن اخطاء عده هما اللي وقعو فيها:-

1. عدم الشفافية وده موضوع تعود عليه الشعب عادي جدا ان الصحفي المسكين حتى اللي شغال في الصحف القومية مكنش لاقي مصدر يعرف منه الخبر ده صح ولا خطأ ( وبعدين ليه مطلعش وزير الصحة ينفي الاشاعات اللي زي مقال كوجاك انها من ايام الامتحنات ............عايش في غيبوبة طبعا)

2. الحجم الغير الطبيعي اللي واخده الرئيس في البلد فالبلبلة اللي حصلت لان الناس مكنتش عارفة ايه ممكن يحصل في البلد من بعده وده بسبب سياسة الرئيس الاوحد للبلد وان مفيش خيار غيره ( نجيب طماطم ) وطبعا اعلامنا الحكيم اللي صورلنا ان البلد هتغرق من غيره

3. الناس مكنش عندها ادنى شك ان الرئيس ممكن يدفن وتطبخ الطبخة لجيمي وهما نايمين في بيتهم ( ده صحيح )

ب‌- عن ابراهيم عيسى:-

يظهران الاشاعة كعادة الحكومة هتستخدمها اسوء استخدام زي ما استغلت موضوع الازهر في رمي الاخوان على المعتقلات فاول تصفايتهم كانت مع ابراهيم عيسى اللي كان موجهه اغلب مقالاته لعدم تقديس الحاكم وكان بيوري للناس الريس على حقيقته وبالتالي الدستور اللي اصبحت تاني اكتر الجرايد اليومية مبيعا بعد المصري اليوم واقوى الصحف المعارضة ( حسب رائي الشخصي )

هنا لازم تكون لينا وقفة لان الصحف هي اللي غعرفتنا يعني ايه سياسة ولو رجعنا لايام سيطرة الجرايد القومية يبقى عليه العوض

((هما حاجتين حلوين جمال فاضلين في البلد الصحافة المستقلة والقضاه الشرفاء لو ضيعناهم يبقى احنا كمان ضعنا _ الموضوع ده هاحاول اتكلم فيه بعدين واقولو رايكم فيه_

ت‌- مستقبل مصر:-

قولت ان مشكلة الرئيس الاوحد اصبحت تؤثر على مستقبل مصر فلا يوجد نائب رئيس ولا بدائل على الساحة ( دي فيها شك ...... لان فيه بدائل كتير لكن الحكومة دايما بتهت صورتهم ) وكون مستقبل مصر بعد مبارك يحمل علامات تعجب كثر اصبح خطرا على مستقبل وامن البلاد خارجيا وداخليا
وجود جمال القوي على الساحة ايضا اصبح احد المشاكل الموجوده ( فان كنت بني ادم بقولك معلش تخلي عن حقك السياسي عشان امن البلد )

ده اخر كلام ميجيش بعده كلام

وش كسوف _اسمالى عليه

2007-08-30T02:34:00.000+03:00

يظهر ان وزير المواصلات قرر انه يشارك في مهرجان القراءة للجميع فقرر يقرى رواية الحرافيش وعجبته فكرة انه ياخد الفلوس من الاغنيا ويديها للحرافيش او انه نسي ياخد المخدة معاه وهو رايح يصلي الجمعة ( ايوة المخدة ) فاضطر يسمع الخطبة ( اللي سبحان الله كانت بتتكلم عن الزكاة ) برضه عجبته فكرة انه ياخد الفلوس من الغني اللي مش هيهمه الزيادة البسيطة في التذكرة ويديها للقطارات المعفنة ( كل ده كويس)

بس حبيت اقوله حاجة انك لو رحت لوزير المالية وكلمك عن الضرايب ( هتعرف انها اساسا ماهي الا تطور للفكرة السابقة) والمفروض ان جزء من الفلوس دي يتصرف على القطارات الغلبانة بس طبعا مبتوصلش فلوس......................ليه؟

لان عندك فساد كبير مستشري من اول حضرتك لحد اللي بيجيبلك القهوه الصبح بتقضي على فلوس الضرايب اللي بيلوموها من رجال الاعمال (فوت دي)

اما بقى لو احرجتني سعاتك وعملت كده فعلا وقدرت تتخلص الناس من القطر اللي بيقبى زي علبة السردين (حتى ان الروف العلوي محجوزة دايما ....سيبك من انهم بيقعدو فوق يمصمصو قصب) هلملك الشلة ونشيلك على اكتافنا قدام الوزارة ونقولك بصوت عالي ( اسمالى عليه ) وننتخبك فتوة الوزارة ( هادي دقني )

فن بدون مونتاج_ بشرى سارة لاهل الحي : الراب العربي جاي

2007-08-29T19:26:00.000+03:00

الراب العربي ابتدى يشق طريقه في بلاد متعرفش يعني ايه راب ورابر في امل ان ده كله ينتهي اخيرا بعد ما يخرج فرق الراب على الساحة وتواجه الاغاني التقليدية وهو ده اللي قررت تعمله كتيبة مصرية تنزل شريطها عشان يكون اول شريط راب مصري (با ستثناء mtm....اللي نسه انه بيغني راب اصلا) واكبر عيوبmtm انه طلع منفرد ومكنش له علاقات بباقي مغنين الراب (عشان كده عمرهم معملو featمع حد) كتيبة مصرية ممكن تكون اول اسهم نجاح الراب في مصر خصوصا بعد اتساع قاعدة محبي الراب ( وده هتسبب مشكلة لنجاح الراب العربي لانهم هيتحطو في مقارنة دايمة مع ملوك الراب بالرغم من ان الراب العربي شكل مختلف شوية خصوصا انه متجه مخصوص لمناقشة مشاكل المجتمع )

فريق Katiba Masreya كانت مشاركته في underground rap فعالة و حصلو على شهرة عالية من مستمعي الراب العربي وهما فرق جوة بعض ( ايه اللخبطة دي......قولهم ) zeroboyz , asfalt ,adrenalin and 2b

اما عن دلوقتي فملناش غير ان احنا نستنى الشريط ونشوف النظام ....

فن بدون مونتاج _ فولتير السينما ((Michael Moore ))

2007-08-27T23:47:00.000+03:00

كان من المعروف عن فولتير سخريته الاذعة بل اجزم انه من اوائل مؤسسي استخدام السخرية للمعارضة لتجد اشد اخطاء السلطات تترجم الى ضحكات عالية وهنا لا تجد فرق كبير بين فولتير ومور الساخر الاكبر للحكومة الامريكية الذي لم يياس السلطة من انتقاد السلطة بجميع الطرق

انه مايكل مور المؤلف والناشط السياسي المعروف حاز على جائزة الاوسكار في الاخراج عن فيلم Bowling for Columbine (بغض النظر النظر ان التلفزيون المصري قطع المشهد الذي حصل فيه مايكل على الاوسكار) مثال واضح للثورة الهادئه لم يسلم من الانتقادات والمضايقات ( خصوصا في عهد بوش الابن ) استطاع ببراعة ان يثبت ان الافلام الوثائقية من الممكن ان تكون ذات مبيعات عالية منافسة لافلام الاكشن و الرعب وهو جديد اضافه رجل خرج من وسط عادي باراء الامريكي العادي ليشاهده العالم كله مثل تلك التي انتقدت الحرب على العراق ليعطي مثال ان افكار بوش المتطرفة لم تكن نتاج رغبة شعبية في الحرب واكبر رد على الظواهري الذي اتهم الشعب الامريكي بمساندة حكومته في الحرب لذلك يجب ان يدفع الشعب الثمن . ( هذا المثال يؤكد على ان امثال هذا الرجل قادرين على جلب السلام .... مش حكومتك اللي تاكيدلك على اهمية الحوار بعدين تشيل اسمه)

كشف مور عن حرية الراي المزورة في ظل حكومة اليمين حين وجهة له تهمة مخالفة القانون الامريكي في مشهد كشف فيه عن مهزلة امريكية فشلت ان تواكب كوبا في اخر افلامه sicko الا اني لا استطع ان اكتب كل شئ عنه .... لمعرفة المزيد

موقع مايكل مور

2007-08-27T22:19:00.000+03:00

امانة يا جماعة برجاء النشر علشان نوصل قصة محمد عبد اللطيف للناس كلها

متى يعود محمد

فاكرين حبسة القضاة و فاكرين أصغر محبوس معانا الشاب الصغير الأسمر الملامح عودة كالخيرزان طويل و نحيل , ملامحة مصرية محمصة بلفحة شمس حوارى المنصورة كان ينادية الشاويش فى تمام الحبس محمد عبد اللطيف درويش و كنا نطلق علية حمادة عبد اللطيف و لكنة حين عمل بالصحافة مراسلا للبديل اختار اسم محمد طاهر ليزين بة كتاباتة المنتمية للفقراء و المضطهدين فى أقسام الشرطة

و فى يوم لم يكن يبدوا فى افقه انه مرتب كان يغطى موضوع ردود أفعال الناس عما نشر فى الوقائع تجاوزات الشرطة و التعذيب فى أقسام الشرطة المصرية بتلبانة و شها قبضوا علية فى الشارع و فى قسم شرطة المنصورة فقط عرف أنة متهم بتوزيع المنشورات : رفض التوقيع على المحضر رقم 12033 أول المنصورة

و فى اليوم التالى تم عرضة على النيابة عذابا صباحا و نكدا مساءا الغريب أن وكيل النيابة طلب عما يثبت أنة صحفى و سأل عن تواجد أى إثبات شخصية لمحمد و كان هذا مؤشرا على الإنفراج و بدانا نتقبل التهانى و هبط محمد و هو طائر فرحا على سلالم النيابة و كأنها سلالم نقابة الصحفيين التى عرفت أقدامة النحيفة

و بعد تحرك موكب الحبس من أمام باب النيابة و بعد عدة خطوات تحركت الموبيلات و نشطت اللاسلكيات لتعيد محمد ثانية إلى وكيل النيابة كنت أنتظر القرار واقفا فى مواجهة مبنى النيابة الشاهق على رصيف كرنيش النيل محدقا فى مياة النيل , أحسست للحظة أن مياة النيل توقفت عن السريان و فجأة أنقطع المور خولنا حين هبط محمد على سلالم النيابة و لكن هذه المرة كانت أقدامة بطيئة متثاقلة لا تقوى على حمل 15 يوم استمرار حبس

بقلب حزين ودعت محمد و عدت أحدق بالنيل ثانية سرحت و أنا أسئل نفسى متى تسرى مياة النيل ثانية , و متى يعود النور , متى يعود محمد .

التوقيع

حمدى قناوى

عين بتحس_ميت بشرطة

2007-08-27T01:30:00.000+03:00

اجد نفسي اجري مسرعا نحوه محذرا اياه دون ان اتداركه اجري واسرع , لا استطع اللحاق به فاسمع صوت يعلو شيئا فشيئا ...صوت عمرو الدياب اتذكر كلمات تلك الاغنية اللعينة التي توقظني كل يوم وانا اتسال على سريري متى سيتناسى ذللك المنبه اللعين ويتركني انم (الهذا اخترع الموبايل )
وهنا يبدا صراع كل يوم مع الوسادة الدافئة حتى تنبهني امي بصوت مسموع ان الافطار جاهز ليسيل لعابي متمني افطار جديد (لربما تحدث المعجزة اليوم ) تهب فيا الحياة واقوم مسرعا الى الحمام مرتميا تحت الماء
اذهب للافطار فاجد ان امالي ما هي الا سراب ( الجبنة الرومي والشاي بلبن فوق البيعة جبنة مثلثات) اتوضا سريعا واصلي ( بخنصره) حتى يبدا صديقي بضجيجه مسرعا للاسفل لارى بوادر نور الشمس فيدب الامل في الا اعاني لعنة المواصلات هذا ليوم لاجد ابتسامة غبية ظهرت على وجهي لا اعرف من اين اتت ....واصادف مس فوزية (مدرسة الدراسات ) ازيك يا محمود .....كويس الحمد لله ويذهب كل في طريقه واركب تلك العربة التي ابريئها من صفة مواصلة عامه الامال تسافر بي الى المستقبل البعيد والامل المفقود في غد جميل لحياتي المهنية والاجتماعية

اصل لخرابة المترو واقابل صديقي ونكمل المواصلات المشؤمة للوصول للكلية املا في يوم
خالي من المصائب ومن المحاضرات الغبية والسكاشن السخيفة كاد اليوم يمر لولا اعلان امتحان العملي الاسبوع القادم (كده قربت اتشل ) الى كفتريا عم قاسم (حاجة سقعة كبيرك)تنطلق المسيرة اجلس مع الشلة لنتكلم في مواضيع مملة ونضحك عليها

يبدا صديقي يحفزني على الرحيل وانا مستاء لاني اعلم اني ساقاصي في نفس الطريق ولكن يزرع فيا الامل اننا من الممكن ان نجد ميكروبصات مصر امام البوابة وننجو من علبة السردين...........لسه واحد محمل مصر دلوقتي اركب سوزكي بقى (كفاية )

اعود البيت جثة هامدة واسال عن الغداء( الذي خمنت محتواه طوال الطريق)..........بسلة استنى ها اسخنهالك.....لا لا اكلت في الكفتريا

لا اجد ادنى شهوة للمذاكرة واجلس امام التلفاز اشاهد المسلسل الممل (كفاية خلاص...كلاكيت تاني مرة) وبضيق اذهب لاذاكر تللك المادة الغبية املا في النجاة من الامتحان وبعد ساعة ارتمي الى السرير واغلق النور الا ان اليوم لااعرف خرج عقلي بما هو غير مالوف حين سالني كيف تستمرفي تلك الحياة الرتيبةلاجد الرد بعد تفكير طويل في ((الامل)) :الامل الكبير (المستقبل ) هو من جعلني ارمي نفسي في ذلك الترس الذي يدور ان يتغير شئ وتلك الامال اليومية الصغيرة هي سنون التي تحفزنا ان نكمل يومنا

ادرك ان الانسان بدون ادنى امال ما هو الا ميت بلا ادنى شك الامال هي الروح المسيرة لحياتنا ......وانا لست الا ميت يسير نحو الامال مثل الحصان الذي يعلق الجزرة امامه ....فجاة تغفل عيني .............انا مذاكر السؤال ده ......انت سقطت............انا مهما كبرت صغير انا مهما عنيتني شكوك مش ممكن يوم هتغير....

وش كسوف_حنقلهم

2007-08-13T17:43:00.000+03:00

قالي قاله قلتله قالتلي قاللوله قاللولها وقللنلها .......ليه الدنيا بكل بساطة متنفعش تبقى انت وانتي وانتم واحنا ؟

ليه مبقناش نتكلم مع بعض مبقناش نحس ببعض (ده ممكن طبقة كلام اللي معاك تدي للكلام معنى تاني) ليه مبقناش نحل مشاكلنا مع بعض زي مكان مجتمعنا الشرقي معودنا

لا والجديد كلمة سمعته اكتسحت وانقرضت كلمة قريت هو السبب الثورة الاعلامية (مظنش لان ثورتنا الاعلامية متجيش ربع الغرب وشوف بيقرو قد ايه) والتلفزيون بقى مصدرنا الوحيد للحصول على معلومة وده معرضنا لخطر كبير لان زي ماحصل للغرب لما وقعو في بحر من الاكاذيب لانهم اعتمدوا على برامج معينة في اليوم يعرفو بيها مشاكل الدنيا و احنا العرب اللي دفعنا التمن بنقلدهم النهارده...بس برضه مسكتناش لاننا (حنقلهم) واخدين بالكو لسه حنقلهم

وش كسوف_اللي نعرف

2007-08-13T17:38:00.001+03:00

لا احفل بذاكرة قوية لكن احيانا تتوارد الافكار وتترابط....ام هند هو ده اللي حصل معايا لما كنت بشوف the big one)) لمايكل مور في احد اللقطات علق عامل بسيط تعليق ذكي (سأل مايكل مين ممكن يشتري العربيات والشقق والبضايع لو فضلو ينزلو في مرتباتنا؟؟!!) جه في بالي الانتخابات الرئاسية المصريه عملت مقارنة ما بين برنامجي مبارك ونور من حيث كيفية القضاء على البطالة ولو شفنا مقولة العامل البسيط هتلاقي نور بيتقدم لان اعطاء الاموال للشباب (اعانة العاطلين...الفكرة اللي لاقت انتقادات كبيرة) بمثابة ضخ اموال في السوق وكان هيعمل ولو انتعاش بسيط في التجاره وهو الصح بالمقارنة بال4 مليون فرصة العمل!!!(اللي شافها يقولي) بتاعت مبارك الا ان نور ما اعطاش مصدر حقيقي لاموال الاعانة

بس السؤال هل العامل البسيط المصري كان عارف المقارنة دي ولا مقدرش يحصل تفكير مثيله الامريكي؟

ولا هو متعبش نفسه اساسا بالتفكير لان ببساطة (اللي نعرفه-من زماااااان- احسن من اللي منعرفوش) ؟

مع احترامي لزميلي hui mu han كاتب المقال الا ان في احتمال تالت و هو ان العامل البسيط المصري اساسا مكنش عنده الفرصه انه يبدي رأيه او بمعني اصح ابداه بس ....

عين بتحس - الصديقان

2007-07-25T20:39:00.000+03:00

I لم يكن يدري لما يسوره ذلك القلق ربما لان هذا المشوار رغم بساطته الا انه يتدخل في مسار حياته بالكامل, ذهب صديقنا واحضر الاوراق وبالطبع كان يعلم اختياره فلايوجد له بديل نظرا لقلة مجموعه في الثانوية (ومالا يكن يفهمه لماذا يعبره النس من ارباب الفشل لانه لم يكن من محبي الدراسة فهي ليست كل شئ في الحياة) اختيار صديقنا كان بالطبع معهد الكمبيوتر وبالتاكيد كانت اول رغباته في التنسيق

II في اول ايامه يلتقي صديقنا باخرين وتبدأ رحلة التعارف ولكنفي معهد ملئ باليأسين يكون من الصعب ان يجد صديقا يشاطره ايام الدراسه وجده ولكن كان بينهما فارق لم يحس به احدهما وهو الفارق المادي فعندما كان صديقنا ذو عائد متوسط كان الاخر من عائلة ثرية الا ان ابوه احسن نشأته وصنع رجلا, ظلا معا في الدراسة وحتى مشروع التخرج كان يعملا معا بكد لانهائه, اثبت صديقنا براعته في استخدام الكمبيوتر وكان تقدير كل من الصديقان جيد جدا (مما عززشعورهما ان الفشل في صم مناهج عقيمة ليس مفتاح الحياة بل معرفة امكانيتك هو المصباح الذي يضئ حياتك)

III من نبع ايمانهم قرر الصديقان مواصلة الطريق بعيدا عن الوظيفة المملة وجعل الخيال مبدأ ثابت لهما وهنا قام الاخر بسلفة بعض الاموال من ابيه ليقم ببدء حياته بمشروع من تنفيذه الخاص – كان الاب يعتبر ان ذلك حماسة شباب لا اكثر واعطاه المال من باب التحدي ليريه مدى صعوبة الحياه- كان المشروع مشروع عادي صادف انتشاره وهو سيبر وبيع قطع وصيانة و لاقى المشروع نجاحا كبيرا ربما يعود لادارة اثنان يجمعان بين العلم والهواية, اعاد الابن لابيه المال ليدرك انه فاز بالرهان بل ان نجاحه اثار الاب ليشارك ابنه وتعددت فروع المشروع لتكون اقرب الى شركة

IV بدأت الاحلام تداعب الصديقان, فصديقنا بدأ يحلم بارتفاع مستوى معيشته وتحقيق رغبات اسرته بالكامل, اما الاخر فبدأ يحلم بالوصول الى ما وصل اليه بيل جيتس – فهو بدأ بداية متواضعة مثله- وكان النجاح ذللك المحرك الذي ادار مكينة الامل لاثنان

V وفي احد الايام في فرع الهرم دب شجار بين ظابط من شرطة السياحة وصديقنا الذي طرد ابنه لعدم احترامه لقواعد السيبر الا ان الظابط اختتم كلامه بالجملة المشهورة ((هاتشوف)), بعد ايام تحتدم المعركة بدخول احد الظباط الذي لم يكلف نفسه الا بقول (هاتو الجهازين دول والواد ده كمان),

VI يقسم ابو صديقنا عليه ليترك ذلك العمل ويرى صديقنا السقوط المهول لأماله, اما الاخر فأدرك سريعا كيف يمكن حين يرتفع ان يسقط بسهولة اذا اصبح له اعداء من ارباب السلطة, فجعل مشروعه مجرد باب رزق الى جانب وظيفته التي قام والده بالتوسط للعمل فيها

الا ان الصديقان فقدا ....(الامل , الحماسه , الحياة .....اختر الاجابة الصحيحة)

وهنا اتسال انا عن السبب فعندما قال لي صديقنا قصته لم اعد اعرف ماذا كان يجب ان يفعلا ليسيرا على الطريق بامان؟

فن من غير مونتاج_ نظرية بسيطه

2007-07-25T20:04:00.000+03:00

النظرية بسيطة ولكن اللي خلاني اكتبها عدم الرضا بحال السينما الذي لم ارى كبير وصغير الا وشارك فيها

النظرية - سمعنا يا نيوتن-

السينما في مصر كانت شبه ميتة في التسعينات ومنتصف الثمانينات وكان علشان ترجع لازم تبدأ من الصفر والنظرية بقى في رأيي أن في العالم كله السينما بدأت بالكوميديا (مش كله متفق ان الكسار من بناة السينما المصرية - شخصية عثمان كانت مواضيعه تافه وشخصياته بدائية ومن الشارع المصري زيه زي اللمبي - امال ليه مفيش مقارنة بين الكسار ومحمد سعد ؟؟؟!!!)

طب كانت السينما الامريكية بجلالة قدرها في اللي هيا فيه دلوقتي من غير شارلي شابلن؟؟؟

هو طبعا صعب كان قبول الناس لفكرة ان السينما رجعت للصفر بس هي دي الحقيقة اللي لازم يبقى كلامنا على السينما المصرية من منطلقه وده مش معناه ان مفيش مخرجين محترمين وبرضه كتاب هتسمتع بقصصهم.

تفسير النظرية- فسر يا اقليدس-

الضحكة هي اقوى مغناطيس لجذب الجمهور, والسينما لاطالما كانت عرض و طلب ولذلك كانت السينما تحتاج الجماهير اكثر مئة مرة من مجموعة عمل متميزة لذلك كانت الكوميديا هي الحل الوحيد لكسر الجمود فاذا كان اللمبي اساء لسمعة السينما المصرية قيراط فانتعاش السينما الذي في اول عتباته يمن بالفضل لسعد وهنيدي

اثبات النظرية -اثبت يا ارسطو-

وهنا سنلاحظ الاتي ان الايرادات تزيد بمعدل 135% بين 2004و2005 وبالطبع كانت نتيجة لزيادة عدد الجماهير المشاهدة للافلام ويمكن القول ان زيادة الجماهير كانت بمثل النسبة السابقة

ويعود الصعود السريع للسينما في رأيي للتراث الفني القوي والوعي الفني

اما سنة 2006التي بلغت فيها السينما المصرية قمة من قمهها تدل على ان سينما اليوم احسن من التسعينات بكثير

و للإطلاع على متغيرات سنة 2006 مقال الكاتب محمد خير

وايضا ادلل بمقال الكاتب راجي بطحيش عن السينما المصرية

ومجمل القول ان حالة عدم الرضا يجب ان تعوض بتفاؤل ليس مفرط و عدم النظر للافلام الحالية بسطحية ولكن النظر لما ممكن ان تجنيه تلك الافلام للسينما المصرية في المستقبل حتى لو كانت تحمل معاني تافهه...والتاريخ السينمائي لن يكتب عن تلك الافلام شيئا والرهان الحالي يجب ان يكون حول مستقبل السينما (وهو المطلوب اثباته)