احلى حاجة في الكون فن الحوار والرد بالادلة على الاخر خصوصا بقى يا معلم لما يكون الاخر ده شريكك في التدوين فانا هااستغل الفرصة عشان ارد على اخر بوست كتبه
اولا يا كوجاك بقى معروف للكل ان مصر اساسا كان عندها خبر بالموضوع وحرس الحدود جاتله اوامر بالتراجع وانهم يعملو عبط والدليل الفلسطنيين اللي هتفو لمبارك وهما داخلين الحدود المصرية وقالو يامبارك ياحبيب فجر فجر تل ابيب والصور تتكلم
الفلسطنيين قامو بتحطيم المعبر دون ادنى تدخل من الامن
اولا يا كوجاك بقى معروف للكل ان مصر اساسا كان عندها خبر بالموضوع وحرس الحدود جاتله اوامر بالتراجع وانهم يعملو عبط والدليل الفلسطنيين اللي هتفو لمبارك وهما داخلين الحدود المصرية وقالو يامبارك ياحبيب فجر فجر تل ابيب والصور تتكلم
الفلسطنيين قامو بتحطيم المعبر دون ادنى تدخل من الامن
عربات الامن لم تتحرك
فرحة شعبية بالتفجير المدبر
اقتصار دور رجال حماس على التنظيم لا الاشتباك مع قوات الامن المصرية
الحانطور لعب دور مهم في نقل البضايع
اول واحد دخل مصر بالموتسكل يعني مصدروش الستات
اشترو كل حاجة سمك وبقر كمان
الصورة دي بتفكرني بالمانيا الشرقية
ودي صورة للعنف المتبادل بين الطرفين
شكر خاص لمنتدى الهندسة الزراعية على الصور ...وهناك وعد بالمزيد
لكن اهم سؤال لماذا تحرك مبارك اخيرا
هو كان مستني الضوء الاخضر من اوربا لفك الحصار
ام انها وسيلة للضغط على اسرائيل
ام يريد مبارك مصالحة شعبه والشعوب العربية
ايه رايكم؟؟
===============================================================
تحديث : رحم الله عزيز صدقي هذا الرجل افضاله على مصر
شكر خاص لمنتدى الهندسة الزراعية على الصور ...وهناك وعد بالمزيد
لكن اهم سؤال لماذا تحرك مبارك اخيرا
هو كان مستني الضوء الاخضر من اوربا لفك الحصار
ام انها وسيلة للضغط على اسرائيل
ام يريد مبارك مصالحة شعبه والشعوب العربية
ايه رايكم؟؟
===============================================================
تحديث : رحم الله عزيز صدقي هذا الرجل افضاله على مصر
22 وانت رائك ايه؟:
ههههههههههههههههه
اصلك يا هيو ضحكتني في تعليقك عندي
بجد والله مش بتريق عليك بس فعلا خوفتني
والنبي تعالي اشرحلي قصدك ايه
ماشي؟؟
--------------------------
مبارك بقي
تصدق انا كنت هعمل بوست اسمه
مبارك..جاني ام مجني عليه؟؟
بس انا ممكن اعتقد انه بيعمل كدة عندا في اسرائيل و في امريكا بسبب المعونة اللي اتنقص منها و بسبب ادانة البرلمان الاوروبي لينا اللي انا شايفه ان مصر تستحق الادانة
المهم
هو عمل كدة عندا بس في الناس الكبار
مش علشان الفلسطينيين ولا علشان المصريين
بدليل انه لم الاخوان كلهم اللي عملوا مظاهرات ضد حصار غزة
الموضوع كبير
مش تقدر تحكم انه مبارك اتغير لمجرد موقف سياسي
:))
تحياتي ليك و لباقي صحابك اللي هنا
هو احنا لو مش عملنا حاجه نبقى مش عرب ولما نعمل يبقى فى حاجه مدبره
انا مش فاهمه ايه وجه الاعتراض دلوقتى
هو اللى انا شيفاه بصراحة ان دور الحكومة المصرية مشرف
برجح أنه عملها نتيجه لضوء أخضر
:)
هو فعلا سؤال مهم
نفسى اعرف اجابته
بس اكيد ليه مصلحه فى كده لأن لو كان بيفكر فى مصلحة الشعوب كان فكر مره فى مصلحة مصر
ميراميد
انا رحت فعلا شرحتلك
هو جايز فعلا يكون عند في الكبار بس احنا اتعودنا ان مبارك مبيهمهوش الكلام ده وبيكر دماغه ليهم
تحياتي ليكي مني وبالنيابة عن اللي معايا
desert cat
اهلا وسهلا بيكي في المنتدى
الموضوع مش خلف خلاف هو السؤال لما مبارك متعاطف مع اهالي غزة سكت لحد مالموضوع وصل لدرجة ماسوية متحركش ليه من الاول
وبعدين لما يدي اوامر للجنود بالتراجع متبقاش مدبرة
تحياتي ليكي
مايكل
فعل اده اقوى احتمال لحد دلوقتي
تحياتي
mariam
اهلا وسهلا بيكي
فعلا مبارك عودنا ان الشعوب العربية والمصرية اخر اولوياته
بس برضه جايز انه خاف من غضبهم
اعتقد ان الموضوع ملهوش علاقة بالشرف على قد ماهو ليه علاقة بكرامتنا احنا كمصريين مسئوليين عن تأمين حدود دولتنا
انا كان نفسي تبقى المسألة مجرد دخول مصابين بس ونمنع الفلسطينين من الدخول لأنهم ما يستاهلوش
بيفجروا حدودنا وسيبين اسرائيل ولما دخلوا اشتروا بضائع بفلوس مزورة
انا مش ضد الفلسطينيين بس احنا بنتعامل معاهم بجانب انساني وهما للأسف بينسوا معانا جميع انواع الانسانية
تحياتي
السياسه لعبه ملتويه واعتقد ان المناوشات والاستفزازات الاخيره من اسرائيل واوروبا تجاه حكومه مبارك هى السبب الرئيسي فى رد فعله ده
ميرميد مش معقول بتسالى مبارك جاني او مجنى عليه مش معقول يعني عشان حركه منه مش معروف حتى اسبابها ننسي كل القرف اللى فى البلد لوغزه جعانه ومبارك ساعدها فا مصر فيها ملايين الجوعي اللى مش لاقيين رحمه من حد رغم تعاطفي مع غزه او اى مكان فى العالم يتعرض لنفس الظروف لكن حال مصر خلى قلبي لوح تلج ناحيه اى بلد تانى
لان مفيش عندى اهم من المصريين وخلاص احنا وصلنا لمرحله مينفعش نتعاطف مع حد لازم نبص لنفسنا واهلنا شويه
مش عارف ليه الصور مش راضية تظهر عندي
---
بس تصدق فعلاً .. مبارك ده - في الحتة دي - مظلوم
ما يفتحش الحدود .. يقولوا أزاي أخوانك يتم حصارهم و أنت ساكت
يفتح الحدود ... يقولوا ده فاتحها مش عشان الأخوة الأعداء في فلسطين .. لكن علشان يعاند مع أمريكا
أو فاتحها بأمر أوروبا .. اللي أنا مش فاهم أصلاً .. أصحاب وجهة النظر دي قصدهم أيه أساساً ..
هي أوروبا مش كانت ( وحشة ) و بتحب إسرائيل ؟؟؟
--------
حر
انا اختلف معاك ان كرامتنا اتهانت لان الكل عارف اننا قادرين نحمي حدودنا
فكرامتنا مصانة وادينا استضافناهم شوية وافتخرنا بكدة وبعد كدة رجعو بالذوق واللي تنح ورناه العين الحمرا
تحياتي
نسرين
اولا اهلا بيكي في مدونتي المتواضعة
انا اشك ان مبارك عنده جراة رد الفعل بس برده ده احتمال وارد اوي
شكرا ليكي
على باب الله
هي مشكلة الصور دي فعلا من عندك انا اتاكدت من الموضوع ده
لا احنا مش ظالمينه احنا مستغربين منه ده للاسف هو عودنا عل شئ فلما يعمل عكسه طبيعي اننا نستغرب
شكرا ليك
لقد عدت من جديد يا صديقي العزيز
تحياتي و شكرا لك
الفلسطنين قاموا بالفعل وكل ماقام به مبارك هو رد فعل فهو غير قادر على تحمل مسؤولية مواجهه مباشره يسقط فيها فلسطنين
تحياتي
السلام عليكم
تحياتى اليك اخى و الى تحليلك الذى اصاب كبد الحقيقه
و لى تحليل فى مدونتى عن هذا الموضوع ايضا يشترك معك فى الكثير من النقاط
تحياتى ابو مفراح
هو فعل ذلك لانه يعلم بانه لا يستطيع ان يقف في وجه الشعب المصري الذي كان سيحتقره اذا لم يسمح لنا " الفلسطينيين " بالدخول
هذا من جهة ، من جهة اخرى . قوة الشعب الثائر كانت قوة لا تجابه . فمتى ثار . لن يستطيع احد الوقوف في طريقه .
تحياتي لك\\
مايكل
رجعوك دي فرحة لينا احنا حمدالله على السلامة
egypt eyes
انا اختلف معك فرد الفعل كان يستطيع القيام به مبارك ودون اسقاط اي احد فانت في مصر لا تملك اكثر من عساكر الامن المركزي
ابو مفراح
ياريت تقولي اسم الموضوع بصراحة دورت ومش عارف اقصدك انهي موضوع
عروبة
انا بقى مصري وعارف الراجل ده ولا بيخاف منا ولا بيعمل لنا حساب لاننا ملهيين في اكل العيش
اما ثورة الشعب فزي ماقلت لايجبت ايس كان ممكن يتصد بسهولة _اسئل مجرب _عصيان الامن المركزي دي ممكن يستخدمها ضد اي حد واسئل السودانيين
إرسال تعليق